नमस्कार Birsa Munda Krushi Kranti Yojana माहिती मध्ये आपले स्वागत आहे. बिरसा मुंडा कृषी क्रांती योजना (आदिवासी उप योजना / आदिवासी उप योजना बाह्य) योजनेबद्दल संपूर्ण माहिती वाचा.
Table of Contents
बिरसा मुंडा कृषि क्रांती योजना म्हणजे काय? What Is Birsa Munda Krushi Kranti Yojana?
जमिनीतील ओलावा टिकवून ठेवण्याच्या दृष्टिकोनातून तसेच सिंचनाची शाश्वत सुविधा उपलब्ध करुन देऊन शेतकऱ्यांचे आर्थिक उत्पन्न वाढविण्यासाठी बिरसा मुंडा कृषि क्रांती योजना ही आदिवासी शेतकऱ्यांसाठी राज्य शासनाच्या कृषि विभागामार्फत राबविण्यात येत आहे.
बिरसा मुंडा कृषी क्रांती योजना अंतर्गत अनुदान
या योजनेंतर्गत नवीन विहीर (रु.2.50 लाख), जुनी विहीर दुरुस्ती (रु.50 हजार), इनवेल बोअरींग (रु.20 हजार), पंप संच (रु.20 हजार), वीज जोडणी आकार (रु.10 हजार), शेततळ्यांचे प्लास्टीक अस्तरीकरण (रु.1 लाख) व सुक्ष्म सिंचन संच (ठिबक सिंचन संच-रु.50 हजार किंवा तुषार सिंचन संच-रु.25 हजार), पीव्हीसी पाईप (रु.30 हजार), परसबाग (रु.500), या बाबींवर अनुदान अनुज्ञेय आहे. बिरसा मुंडा कृषी क्रांती योजना महाराष्ट्र राज्यातील राजधानी मुंबई, सिंधुदुर्ग, रत्नागिरी, सातारा, सांगली व नंतर कोल्हापूर हे जिल्हे वगळता राज्यातील इतर ३० जिल्ह्यांमध्ये राबविण्यात येत आहे.
बिरसा मुंडा कृषी क्रांती योजना साठी पात्रता
- लाभार्थी अनुसूचित जमाती प्रवर्गातील असणे बंधनकारक आहे.
- लाभार्थीने अनुसूचित जमाती कडे जातीचा वैध दाखला सादर करणे बंधनकारक आहे.
- अनुसूचित जमाती कडे जमिनीच्या 7/12 व 8-अ चा उतारा किंवा वनपट्टा प्रमाणपत्र सादर करणे बंधनकारक आहे.
- लाभार्थींची वार्षिक उत्पन्न मर्यादा रुपये १.५ लाखाच्या मर्यादेत असावी.
- डिजिटल तहसीलदार उत्पन्नाचा दाखला सादर करणे बंधनकारक आहे.
- लाभार्थी अनुसूचित जमाती कडे जमिनधारणा 0.20 हेक्टर ते 6 हेक्टर पर्यंत (नवीन विहिरीसाठी किमान 0.40 हेक्टर) असणे बंधनकारक आहे.
- एकदा बिरसा मुंडा कृषी क्रांती योजनेचा पूर्ण लाभ घेतल्यास पुढील ५ वर्षे त्याच लाभार्थ्यास किंवा कुटुंबास या योजनेचा लाभ देय नाही.
बिरसा मुंडा कृषी क्रांती योजना साठी लागणारे आवश्यक कागदपत्रे
बिरसा मुंडा कृषी क्रांती योजनेचा नवीन विहीर याबाबीकरीता:
- 1)अनुसूचित जमाती चा जातीचा वैध दाखला
- 2) 7/12 व 8-अ चा उतारा किंवा वनपट्टा प्रमाणपत्र
- 3) उत्पन्नाचा दाखला
- 4) लाभार्थीचे प्रतिज्ञापत्र.(100 रु च्या स्टॅम्प पेपरवर)
- 5) अपंग असल्यास अपंगत्व चा प्रमाणपत्र
- 6) तलाठी यांचेकडील दाखला – सामाईक एकूण धारणा क्षेत्राबाबतचा दाखला (0.40 ते 6 हेक्टर मर्यादेत); विहीर नसल्याबाबत प्रमाणपत्र; प्रस्तावित विहीर पुर्वीपासून अस्तित्वात असलेल्या विहीरीपासून 500 फूटापेक्षा जास्त अंतरावर असलेचा दाखला; प्रस्तावित विहीर सर्व्हे नं. नकाशा व चतु:सीमा.
- 7) भूजल सर्वेक्षण विकास यंत्रणेकडील पाणी उपलब्धतेचा दाखला.
- 8) कृषि अधिकारी (विघयो) यांचे क्षेत्रीय पाहणी व शिफारसपत्र
- 9) गट विकास अधिकारी यांचे शिफारसपत्र
- 10) ज्या जागेवर नवीन विहीर चा बांधकाम करून लाभ घ्यावयाची आहे त्याजागेचा फोटो (महत्वाची खुणेसह व लाभार्थी सह).
- 11) मा. एकात्मिक आदिवासी प्रकल्प अधिकारी, आदिवासी विकास प्रकल्प यांचेकडील आदिवासी उपयोजनेतून केंद्र शासनाच्या विशेष केंद्रीय सहाय्य (SCA) व घटनेच्या कलम 275 (A) अंतर्गत उपलब्ध करून दिलेल्या निधीतून राबवण्यात येणा-या योजनेतून लाभ घेतलेला नाही असे प्रमाणपत्र.
- 12) ग्रामसभेचा ठराव.
बिरसा मुंडा कृषी क्रांती योजना मधून जुनी विहीर दुरुस्ती/ इनवेल बोअरिंग याबाबीकरीता:
- 1) सक्षम प्राधिकारी यांचेकडील अनुसूचित जमातीचे जात वैध प्रमाणपत्र
- 2) तहसीलदार यांचेकडील मागील वर्षीचे वार्षिक उत्पन्न प्रमाणपत्र दीड लाख चा उत्पन्न किंवा दारिद्रय रेषेखाली असलेबाबतचे प्रमाणपत्र / BPL कार्ड (लागू असलेस).
- 3) जमीन धारणेचा अदयावत 7/12 दाखला व 8अ उतारा किंवा वनपट्टा
- 4) ग्रामसभेचा ठराव.
- 5) तलाठी यांचेकडील दाखला – एकूण धारणा क्षेत्राबाबतचा दाखला (0.20 ते 6 हेक्टर मर्यादेत); विहीर असल्याबाबत प्रमाणपत्र; प्रस्तावित विहीर सर्व्हे नं. नकाशा व चतु:सीमा.
- 6) लाभार्थीचे बंधपत्र (100 रु. च्या स्टॅम्प पेपरवर).
- 7) कृषि अधिकारी (विघयो) यांचे क्षेत्रीय पाहणी व शिफारसपत्र
- 8) गट विकास अधिकारी यांचे शिफारसपत्र
- 9) शेतकरी यांच्या शेतात विहीरीवर जुनी विहीर दुरुस्ती/ इनवेल बोअरिंगचे काम घ्यावयाचे आहे त्याविहिरीचा कामा सुरू होण्यापूर्वीचा फोटो (महत्वाची खुणेसह व लाभार्थी सह)
- 10) (feasibility report.) शेतात इनवेल बोअरींगसाठी भूजल सर्वेक्षण विकास यंत्रणेकडील रेपोर्ट.
- 11) अपंग असल्यास प्रमाणपत्र
- 12) मा. एकात्मिक आदिवासी प्रकल्प अधिकारी, आदिवासी विकास प्रलक्प यांचेकडील आदिवासी उपयोजनेतून केंद्र शासनाच्या विशेष केंद्रीय सहाय्य (SCA) व घटनेच्या कलम 275 (A) अंतर्गत उपलब्ध करून दिलेल्या निधीतून राबवण्यात येणा-या योजनेतून लाभ घेतलेला नाही असे प्रमाणपत्र.
बिरसा मुंडा कृषी क्रांती योजना मधून शेततळ्यास अस्तरीकरण / वीज जोडणी आकार / सूक्ष्म सिंचनसंच याबाबीकरीता:
- 1) सक्षम प्राधिकारी यांचेकडील अनुसूचित जमातीचे जात प्रमाणपत्र/ जात वैधता प्रमाणपत्र.
- 2) तहसीलदार यांचेकडील मागील वर्षीचे वार्षिक उत्पन्न प्रमाणपत्र. दीड लाख किंवा दारिद्रय रेषेखाली असलेबाबतचे प्रमाणपत्र / BPL कार्ड (लागू असलेस).
- 3) जमीन धारणेचा अदयावत 7/12 दाखला व 8अ उतारा किंवा वनपट्टा प्रमाणपत्र
- 4) तलाठी यांचेकडील एकूण धारणा क्षेत्राबाबतचा दाखला. (0.20 ते 6 हेक्टर मर्यादेत)
- 5) ग्रामसभेची शिफारस/मंजूरी
- 6) शेततळे अस्तरीकरण पुर्णत्वाबाबतचे हमीपत्र (100 रु च्या स्टॅम्प पेपरवर)
- 7) काम सुरू करण्यापूर्वीचा फोटो (महत्वाची खुणेसह)
- 8) विद्युत कनेक्शन व विद्युत पंपसंच नसलेबाबत हमीपत्र
- 9) मा. एकात्मिक आदिवासी प्रकल्प अधिकारी, आदिवासी विकास प्रकल्प यांचेकडील आदिवासी उपयोजनेतून केंद्र शासनाच्या विशेष केंद्रीय सहाय्य (SCA) व घटनेच्या कलम 275 (A) अंतर्गत उपलब्ध करून दिलेल्या निधीतून राबवण्यात येणा-या योजनेतून लाभ घेतलेला नाही असे प्रमाणपत्र.
- 10) मंजूर प्रस्तावित शेततळ्याचे मापन पुस्तिकेच्या छायांकीत प्रत व मापन पुस्तकातील मोजमापाप्रमाणे संबंधित मंडळ कृषि अधिकारी यांचेकडून अंदाजपत्रक प्रति स्वाक्षरी करुन घ्यावे.
बिरसा मुंडा कृषी क्रांती योजना साठी ऑनलाईन अर्ज
अनुसूचित जमाती या योजनेचा अर्ज करण्यासाठी घरबसल्या मोबाईलवर , लॉपटाप, कॉम्पुटर वर अधिकृत वेबसाईट वरून https://mahadbt.maharashtra.gov.in/farmer या वेबसाईट वर भरू शकता. किंवा जवळच्या CSC आपले सरकार, ऑनलाईन दुकान च्या माध्यमातून अर्ज करू शकता.
निष्कर्ष
Birsa Munda Krushi Kranti Yojana फक्त आदिवासी सामाज बांधवांसाठी आहे. कोणीही याचा गैर फायदा घेयू नये. अन्यतः त्याचे परिणाम त्याल्याच भोगावे लागतील. बिरसा मुंडा कृषी क्रांती योजना मधून जो कोणी लाभ घेईल त्याला १०० % अनुदान आहे. मात्र ऑनलाईन अर्ज करा. तेव्हाच या योजनेचा लाभ घेता येईल.
वरील माहिती जर आवडली असेल तर आपल्या जवळील शेतकरी आदिवासी बांधव यांना नक्कीच शेअर करा. धन्यवाद .
