धुळे : केंद्रीय रस्ते वाहतूक मंत्रालयाच्या मार्गदर्शक सूत्रांनुसार राज्यातील सर्व प्रकारच्या जुन्या वाहनांना हाय सिक्युरिटी रजिस्ट्रेशन प्लेट (एचएसआरपी) बसवणे बंधनकारक करण्यात आले आहे. (1 lakh vehicles without HSRP, fine of Rs 1,000 from July 1! HSRP will now be mandatory administration extends deadline for the sixth time,)

या मोहिमेची प्रभावी अंमलबजावणी करण्यासाठी सरकारने आता १ जुलै २०२६ ही अंतिम आणि निर्णायक मुदत निश्चित केली आहे. या तारखेनंतर कोणत्याही जुन्या वाहनाला जुनी किंवा साधी फॅन्सी नंबरप्लेट लावून रस्त्यावर धावण्याची परवानगी दिली जाणार नाही. नागरिकांनी कायदेशीर कारवाई टाळण्यासाठी दिलेल्या या निश्चित कालावधीतच आपल्या वाहनांची नोंदणी करून नवीन सुरक्षित नंबरप्लेट बसवून घ्यावी, असे आवाहन परिवहन विभागाने केले आहे.

वाहनांच्या सुरक्षिततेसाठी अत्यंत महत्त्वाच्या असलेल्या या योजनेला सुरुवातीला वाहनधारकांकडून संमिश्र प्रतिसाद मिळाला. तांत्रिक अडचणी, केंद्रांची कमतरता आणि नागरिकांमधील अनास्था यांमुळे यापूर्वी प्रशासनाला तब्बल पाच वेळा मुदतवाढ द्यावी लागली होती.

वाहनधारकांना पुरेशा प्रमाणात वेळ मिळावा आणि यंत्रणेवर अचानक ताण येऊ नये, हा यामागील मुख्य उद्देश होता. मात्र, वारंवार मुदत देऊनही अद्याप लाखो वाहनांचे काम प्रलंबित राहिल्याने, आता सरकारने ही सहाव्यांदा अंतिम मुदतवाढ दिली आहे. यापुढे कोणत्याही परिस्थितीत नवीन मुदतवाढ दिली जाणार नसल्याचे प्रशासनाने स्पष्ट केले आहे.

असा करा स्लॉट बुकिंग

आपल्या वाहनासाठी एचएसआरपी नंबरप्लेट (1 lakh vehicles without HSRP, fine of Rs 1,000 from July 1! HSRP will now be mandatory administration extends deadline for the sixth time,) मिळवण्याची प्रक्रिया पूर्णपणे ऑनलाईन आणि पारदर्शक ठेवण्यात आली आहे. यासाठी वाहनधारकांनी सरकारच्या अधिकृत संकेतस्थळाला (SIAM किंवा संबंधित पोर्टल) भेट देणे आवश्यक आहे. तिथे आपल्या वाहनाचा नोंदणी क्रमांक, इंजिन नंबर आणि चेसीस नंबर अचूक प्रविष्ट करावा लागतो. त्यानंतर ऑनलाइन पद्धतीने ठरवून दिलेले शुल्क भरावे लागते. शुल्क भरल्यानंतर नागरिकांना त्यांच्या सोयीनुसार जवळच्या डीलरचे केंद्र आणि नंबरप्लेट बसवण्याची तारीख व वेळ (स्लॉट) निवडता येते.

१ जुलैपासून तपासणी मोहीम, १ हजाराचा दंड

परिवहन विभागाने दिलेल्या इशाऱ्यानुसार, १ जुलैपासून राज्यभरातील सर्व प्रमुख रस्ते आणि महामार्गावर प्रादेशिक परिवहन विभागाच्या भरारी पथकांमार्फत विशेष तपासणी मोहीम राबवली जाणार आहे.

या मोहिमेदरम्यान ज्या वाहनांवर एचएसआरपी नंबरप्लेट आढळणार नाही, त्यांना थेट १ हजार रुपयांचा दंड ठोठावला जाईल. वाहतूक पोलिसांनाही या कारवाईचे विशेष अधिकार दिले जाणार आहेत.

पहिल्यांदा दंड झाल्यानंतरही नंबरप्लेट न बदलल्यास पुढील कारवाई आणखी कडक केली जाऊ शकते. त्यामुळे आर्थिक भुर्दंड टाळण्यासाठी वाहनधारकांनी ही मोहीम गांभीर्याने घेणे गरजेचे आहे.

जिल्ह्यात हजारो वाहने एचएसआरपीविना

एकीकडे अंतिम मुदत तोंडावर आलेली असताना, दुसरीकडे आकडेवारी अत्यंत चिंताजनक चित्र दर्शवत आहे. जिल्ह्यातील आणि संपूर्ण विभागातील उपलब्ध माहितीनुसार, अद्यापही हजारो वाहनांना हाय एचएसआरपी नंबरप्लेट बसवण्याचे काम पूर्ण झालेले नाही. यामध्ये दुचाकी आणि चारचाकी वाहनांचा मोठ्या प्रमाणावर समावेश आहे. ग्रामीण भागात या मोहिमेविषयी फारशी जागरूकता नसल्याने ही संख्या वाढली आहे. आता अवघ्या काही दिवसांचा अवधी शिल्लक असल्याने, या साडेनऊ लाख वाहनांवर एकाच वेळी दंडात्मक कारवाईची टांगती तलवार निर्माण झाली आहे.

दीड महिन्यांत कशा बसणार नंबरप्लेट्स ?

१ जुलैच्या अंतिम मुदतीला आता केवळ दीड महिन्याचा कालावधी शिल्लक राहिला आहे. अशा परिस्थितीत अद्याप प्रलंबित असलेल्या वाहनांना कमी वेळेत नंबरप्लेट्स कशा बसवल्या जाणार, असा मोठा पेच निर्माण झाला आहे.

हि आहे आधीकृत वेबसाईट : https://transport.maharashtra.gov.in

दररोज हजारो वाहनांचे बुकिंग केले तरीही यंत्रणेच्या मर्यादेमुळे सर्व वाहनांचे काम वेळेत पूर्ण करणे अशक्य दिसत आहे. यामुळे शेवटच्या टप्प्यात केंद्रांवर प्रचंड गर्दी होण्याची शक्यता असून, सर्वसामान्य वाहनधारकांना मनस्ताप सहन करावा लागणार आहे. या नियोजनाअभावी नागरिकांमध्ये सध्या संभ्रमाचे आणि चिंतेचे वातावरण पाहायला मिळत आहे.

1 lakh vehicles without HSRP, fine of Rs 1,000 from July 1! HSRP will now be mandatory administration extends deadline for the sixth time,