When and how can criminal charges be filed against contractors? : संपूर्ण महाराष्ट्रामधे एकही रस्ता असा नाही की, त्या रस्त्यावर खड्डे पडलेले नाहीत. कोट्यावधी रुपयांचा खर्च केला जातोय मात्र एकही रस्ता नियमाप्रमाणे केला जात नाही. रस्ते चांगले व्हावेत असे वाटत असेल तर सुज्ञ नागरीकांनीच पुढाकार घ्यायला हवा आणि अंदाजपत्रकाप्रमाणे काम न करणाऱ्या ठेकेदारांवर व अधिकाऱ्यांवर फौजदारी स्वरूपाचे गुन्हे दाखल करायला हवेत.
Table of Contents
धोकादायक करणाऱ्या ठेकेदारांवर कलम
भारतीय न्याय संहिता (BNS) २०२३ मधे रस्ते चुकीच्या पद्धतीने व धोकादायक करणाऱ्या ठेकेदारांवर कलम २८१ नुसार तर काही प्रकरणांमधे कलम १०६ नुसार गुन्हे दाखल करता येतात. सार्वजनिक मार्गावर प्रवाशांच्या जीवितास किंवा सुरक्षेला धोका निर्माण होईल असे काम केल्यास BNS कलम २८१ नुसार ठेकेदार दोषी ठरतो. रस्त्याची बांधणी अयोग्य पद्धतीने केल्याने किंवा देखभाल न केल्याने निर्माण होणाऱ्या परीस्थीतीत ठेकेदारच जबाबदार असतो.
ठेकेदारावर भारतीय न्याय संहिता नुसार दंडाची शिक्षा
या गुन्ह्यांमुळे ठेकेदारास सहा महिन्यांपर्यंत करावास होते व भारतीय न्याय संहिता नुसार दंडाची शिक्षा होऊ शकते. हा गुन्हा जामीनपात्र असल्याने पोलीस तत्काल कारवाई करू शकतात. रस्त्यांवर अपघात वा अपघाताचा धोका निर्माण झाल्यास या कलमान्वये गुन्हा दाखल होऊ शकतो.
ठेकेदारावर BNS कलम १०६ (१) अंतर्गत गुन्हा दाखल
ठेकेदाराने रस्ता जर चुकीच्या पद्धतीने बनवला असेल, त्या रस्त्यावरील खड्डे भरण्यास कुचराई केली असेल आणि त्यामुळे त्या रस्त्यावर अपघात होऊन कुणाचा मृत्यू झाला तर ठेकेदारावर BNS कलम १०६ (१) अंतर्गत गुन्हा दाखल करता येतो. या कलमामधे मृत्यू किंवा गंभीर जखमी होण्याच्या प्रकाराचा समावेश होतो.
BNS कलम २६८ नुसार ठेकेदारावर कारवाई
या कलमान्वये दोन वर्षाचा करावास व दंड किंवा दोन्ही शिक्षा होऊ शकतात. हाही गुन्हा जामीनपात्र आहे. आरोपीला अटक करण्यासाठी मॅजिस्ट्रेटचे आदेश आवश्यक आहेत. ठेकेदाराने रस्त्याची देखभाल न केल्यामुळे रस्त्यावर पडलेल्या खड्ड्यांमुळे सार्वजनिक सुरक्षेला धोका निर्माण झाला तर सार्वजनिक उपद्रव BNS कलम २६८ नुसार ठेकेदारावर कारवाई होऊ शकते. त्याच्यावर रीतसर गुन्हा दाखल करता येतो.
ठेकेदारावर या कलमांतर्गत २०० रुपयांपर्यंत दंड
ठेकेदारावर गुन्हा किंवा कित्या करावासाची तरतुद आहे. हाही गुन्हा जामीनपात्र आहे. ठेकेदारावर गुन्हा दाखल करताना रस्त्याचे काम ज्या एजन्सीच्या नावावर आहे, त्या एजन्सीला दिलेली वर्क ऑर्डर, अंदाजपत्रकातील अटी व शर्तीचे उल्लंघन केल्याचे पुरावे, रस्त्याचे बांधकाम नियमानुसार केले नसेल तर किंवा देखभाल दुरुस्ती करण्यास टाळाटाळ केली असेल तर त्याचे पुरावे आवश्यक आहेत. या रस्त्यावर अपघात किंवा मृत्यू झाल्याचा पुरावाही सोबत जोडावा लागतो.
यंत्रणेने काम करून घेण्यासाठी अधिकाऱ्यांवर जबाबदारी
या कलमांअंतर्गत ज्या यंत्रणेने काम करून घेतले आहे, त्या जिल्हा परीषद बांधकाम विभाग, सार्वजनिक बांधकाम विभाग, महानगरपालिका, नगरपंचायत वा नगरपालिका यांच्या अधिकाऱ्यांवर सुद्धा जबाबदारी निश्चित करता येते. त्यांनी ठेकेदाराकडून काम चांगले करून न घेणे व केलेल्या कामाची तपासणी नीट न करणे या कारणास्तव त्यांच्यावरही गुन्हा दाखल होऊ शकतो. मात्र सुज्ञ नागरीक या कायद्याकडे दुर्लक्ष करतात. त्यामुळे कुणावरही गुन्हा दाखल होत नाही.
नागरीकांचा भर निवेदने, मोर्चे व आंदोलने यावरच असतो. त्याने काहीही निष्पन्न होत नाही, म्हणून ठेकेदार घाबरत नाहीत. ज्या दिवशी एजन्सींवर गुन्हे दाखल व्हायला सुरुवात होईल, त्याच दिवशी कायद्याचा धाक वाटून रस्ते चांगले व्हायला सुरुवात होईल.
माहिती अधिकारामध्ये तुम्ही कोणती माहिती मागवू शकता ?
माहिती अधिकारातून सार्वजनिक बांधकाम विभागामधून खालीलप्रमाणे माहिती मागवू शकता ?
- कागदपत्रे
- अहवाल
- रोजवाह्या
- अभिलेख
- दस्तऐवज
- परिपत्रके
- अभिप्राय
- देणेत आलेले आदेश
- कंत्राटे
- नमुने
- प्रतिमाने
- संगणकात किंवा अन्य कोणत्याही साधनात साठविणेत आलेली माहिती तुम्ही माहिती अधिकार
वरील माहिती मांगण्या पूर्वी, ज्याच्या कडे दारिद्र्य रेषेखालील कार्ड असेल त्यांच्या नावाने माहिती अधिकारातून माहिती मांगा. कारण 50 पेजेस हें मोफत दिली जातात. तसेच इलेक्ट्रिक (पेनड्राईव्ह, सिडी, डिव्हिडी, pdf ) द्वारे जर माहिती मांगीतली तर अति उत्तम.
निकृष्ट दर्जाचे रस्ते व शासकीय कामांवर ठेकेदारांना शिक्षा कधी व कशी होते? : When and how can criminal charges be filed against contractors?
ग्रामस्थांनो आपल्या गावात होणारी रस्ते, इमारती व शासकीय सुविधा ही सर्व कामे जनतेच्या पैशातून केली जातात. पण अनेक ठिकाणी ठेकेदार निकृष्ट दर्जाचे काम करून जनतेच्या जीवितास व सुरक्षेला धोका निर्माण करतात.
कायदा काय सांगतो?
- ✔️ भारतीय न्याय संहिता (BNS) 2023 कलम 105(1) : ठेकेदाराच्या निष्काळजीपणामुळे अपघात, जखम किंवा जीवितहानी झाली तर तो फौजदारी गुन्हा आहे.
- ✔️ BNS कलम 218 : सार्वजनिक सुरक्षेला धोका निर्माण करणारे निकृष्ट किंवा अपूर्ण काम = थेट फौजदारी गुन्हा.
- ✔️ असे गुन्हे हे गंभीर (Cognizable Offence) आहेत. त्यामुळे पोलिसांना थेट FIR नोंदवावीच लागते.
👉 गावकऱ्यांनी काय करावे?
🔹 ग्रामपंचायतीकडे लेखी तक्रार द्यावी.
🔹 संबंधित पोलीस ठाण्यात FIR करण्याची मागणी करावी.
🔹 जिल्हा परिषद, सार्वजनिक बांधकाम विभाग (PWD) व तहसील कार्यालयाला कळवावे.
🔹 माहिती अधिकार कायदा (RTI) वापरून ठेकेदार, खर्च, कामाचा दर्जा याची माहिती मागवावी.
लक्षात ठेवा
निकृष्ट काम करणाऱ्या ठेकेदारांवरच नव्हे तर काम तपासणी करणाऱ्या शासकीय अधिकार्‍यांवरही जबाबदारी ठरवता येते.
चला तर, आपण सारे मिळून आपल्या गावातील विकासकामे पारदर्शक व दर्जेदार होण्यासाठी लढा देऊया.
निकृष्ट काम करणाऱ्यांना कायद्याने शिक्षा मिळवून देणे हेच खरे जनतेचे कर्तव्य आहे.✍️ दीपक पाचपुते सामाजिक कार्यकर्ते, अहिल्यानगर (When and how can criminal charges be filed against contractors?)
