मुंबई/TET exam scam : संपूर्ण देश पेपरफुटीच्या चर्चेने गाजत असताना, राष्ट्रवादी शरद पवार गटाचे आमदार रोहित पवार यांनी एक गंभीर आरोप केला आहे. आमदार रोहित पवार यांनी खळबळजनक दावा केला आहे की, टीईटी परीक्षा घोटाळ्यातील मुख्य आरोपीचा सत्ताधारी भाजपशी संबंध असून तो एका वरिष्ठ भाजप नेत्याचे आर्थिक व्यवहार सांभाळत आहे. ते मुंबईत एका पत्रकार परिषदेत बोलत होते आणि त्यांनी या सर्व प्रकरणांची निष्पक्ष सीबीआय चौकशी करण्याची मागणी केली.
TET exam scam बाबत आमदार रोहित पवार यांची पत्रकार परिषद
माध्यमांच्या वृत्तानुसार, आमदार रोहित पवार यांनी पत्रकार परिषदेत आरोप केला की, टीईटी घोटाळ्यातील मुख्य आरोपीचे एका वरिष्ठ भाजप नेत्याशी थेट आर्थिक संबंध आहेत. हा आरोपी संबंधित भाजप नेत्याचे सर्व आर्थिक व्यवहार आणि खाती सांभाळतो.
परीक्षा घोटाळ्यातील प्रकरणे समोर आली
याव्यतिरिक्त, रोहित पवार यांनी सांगितले की, २०२६ मध्ये महाराष्ट्रात एमपीएससी (MPSC, TET exam scam) परीक्षेत पेपरफुटीची काही प्रकरणे समोर आली होती. यामध्ये नीट, TET exam scam आणि SRPF exam scam परीक्षांच्या पेपरफुटीचा समावेश होता. यानंतर, एफडीए ड्रग इन्स्पेक्टर परीक्षेची प्रश्नपत्रिकाही फुटली आहे. जर केवळ प्रश्नपत्रिका फुटीतूनच अधिकारी तयार होत असतील, तर काही दिवसांपूर्वी खोकल्याच्या औषधामुळे २२ मुलांच्या झालेल्या मृत्यूसारख्या घटना भविष्यात अशा अधिकाऱ्यांमुळे घडू शकतात.
रोहित पवार यांनी सांगितले की, नंदुरबार येथील कौटिल्य अकादमीमधील एका वर्गातून प्रश्नपत्रिका फुटली. एमपीएससीची प्रश्नपत्रिका फुटली असे नाही, तर ज्या व्यक्तीने ती फोडली, त्याने ती ज्यांना दिली होती त्यांना व्हॉट्सॲपद्वारे पाठवून पाच मिनिटांतच डिलीट केली. त्यापैकी एकाने ती प्रश्नपत्रिका मित्राला पाठवल्यावर हे प्रकरण उघडकीस आले.
रोहित पवार यांनी सांगितले की, एका नायब तहसीलदाराच्या मुलाला १३ वा क्रमांक आणि मुलीला १६ वा क्रमांक मिळाला आहे. हा केवळ योगायोग आहे का? असा प्रश्न उपस्थित होतो. आम्हाला माहिती मिळाली आहे की या प्रकरणात बार्शी कनेक्शन असून, विद्यार्थ्यांनी २१ जुलै रोजी एमपीएससीकडे तक्रार दाखल केली आहे. मात्र, अद्याप कोणतीही कारवाई करण्यात आलेली नाही.
उलट, पोलीस तक्रारदारांवर कारवाई करण्याची धमकी देत आहेत. यापूर्वीच्या पेपरफुटी किंवा घोटाळ्यांचा तपास करण्याचा सीआयडीचा अनुभव चांगला नाही. त्यामुळे, त्यांनी या संपूर्ण परीक्षेतील अनियमिततेची चौकशी केंद्रीय अन्वेषण विभागाने करावी अशी मागणी केली. रोहित पवार म्हणाले की, त्यांनी तलाठी भरतीमधील कथित अनियमिततेचे पुरावे मुख्यमंत्र्यांना दिले होते, परंतु कोणतीही पुढील कारवाई झाली नाही. अखेरीस, विद्यार्थ्यांना न्यायासाठी मॅट (MAT) कडे जावे लागले.
टेट (TET exam scam) पेपरफुटी प्रकरणाचा संदर्भ देत, रोहित पवार यांनी काही व्यक्तींवर गंभीर आरोप केले. पहिली टेट पेपरफुटी २०१८ मध्ये झाली होती. ताज्या प्रकरणात प्रीतीश देशमुख, अभिषेक सावरकर आणि सुशील खोडवेकर यांची नावेही समोर आली आहेत. अभिषेक सावरकर यांचे कोणाशी संबंध आहेत आणि कोण त्यांचे संरक्षण करत आहे, हे निश्चित करण्यासाठी चौकशी झाली पाहिजे.
हे देखील वाचा : TET exam scam, MPSC exam scam, SRPF exam scam
ते म्हणाले, “आमचा आरोप आहे की टेट घोटाळ्यातील आरोपींचे भाजपशी संबंध आहेत.” या प्रकरणात गृह मंत्रालय काही विशिष्ट व्यक्तींना वाचवण्याचा प्रयत्न करत असल्याचा संशय व्यक्त करत, रोहित पवार यांनी समोर आलेल्या संशयितांच्या व्हॉट्सॲप चॅट्स आणि कॉल डिटेल रेकॉर्ड्सची फॉरेन्सिक तपासणी करण्याची मागणी केली आहे. महाराष्ट्रात गेल्या काही काळापासून सुरू असलेल्या पेपरफुटीच्या पार्श्वभूमीवर रोहित पवार यांच्या या दाव्यामुळे राज्यातील राजकीय वातावरण तापले आहे.
