नाशिक, तेल काढणी युनिट व गोदाम अनुदान योजना माहिती दिनांक : 11 ऑगस्ट: काढणीपश्चात पायाभूत सुविधा विकासाला चालना देण्यासाठी कृषी विभागाच्या योजनेंतर्गत तेल काढणी युनिट (१० टन प्रतिदिन क्षमता) तसेच गोदाम उभारणीसाठी पात्र लाभार्थी, शेतकरी उत्पादक संस्था, सहकारी संस्था व संबंधित संस्थांकडून अर्ज मागविण्यात आले आहेत. जिह्यातील इच्छुक व पात्र लाभार्थ्यांनी परिपूर्ण प्रस्ताव संबंधित तालुका कृषी अधिकारी कार्यालयाकडे १७ ऑगस्टपर्यंत सादर करावेत, असे आवाहन जिल्हा अधीक्षक कृषी अधिकारी रवींद्र माने यांनी केले आहे.
तेल काढणी युनिट व गोदाम अनुदान योजना माहिती
काढणीपश्चात पायाभूत सुविधा या घटकांतर्गत १० टन क्षमतेचे तेल काढणी युनिट उभारण्यासाठी वैयक्तिक लाभार्थी, शेतकरी, सरकारी व खासगी उद्योग, शेतकरी उत्पादक संस्था, सहकारी संस्था, तेलावर प्रक्रिया करणाऱ्या नोंदणीकृत नवीन कंपन्या किंवा प्रकल्प तसेच मूल्य साखळी भागीदार (VCP) यांना प्राधान्य देण्यात येणार आहे. पात्र लाभार्थ्यांनी विहित नमुन्यात आवश्यक कागदपत्रांसह परिपूर्ण प्रस्ताव सादर करणे आवश्यक आहे.
तेल काढणी युनिट व गोदाम अनुदान योजना नियम व अटी
तेल काढणी युनिटसाठी प्रकल्पाच्या एकूण खर्चाच्या ३३ टक्के किंवा कमाल ९ लाख ९० हजार रुपये, यापैकी जी रक्कम कमी असेल तेवढे अनुदान केवळ यंत्रसामग्री व उपकरणांसाठी अनुज्ञेय आहे. यामध्ये डीहलर, सीड क्लीनर, तेल काढण्याचे यंत्र, तेल गाळणी यंत्र आदी उपकरणांचा समावेश आहे. यंत्रसामग्री भारतीय मानक ब्युरो (BIS) किंवा समकक्ष गुणवत्ता मानकांचे पालन करणारी असणे आवश्यक असून, अर्जासोबत जीएसटी नोंदणी व अधिकृत पुरवठादारांकडून प्राप्त कोटेशन सादर करणे आवश्यक आहे.
योजनेअंतर्गत कमाल २५० टन क्षमतेच्या गोदाम बांधकामासाठीही अनुदानाची तरतूद आहे. सरकारी किंवा खासगी उद्योग, समूह आधारित व्यवसाय संस्था (CBBOs), शेतकरी उत्पादक संस्था/कंपनी (FPOs) तसेच सहकारी संस्थांना याचा लाभ घेता येणार आहे. गोदाम बांधकामासाठी केंद्र शासनाच्या SMART/वखार महामंडळाच्या मार्गदर्शक सूचनांनुसार राष्ट्रीयीकृत बँकेकडे प्रस्ताव सादर करणे आवश्यक आहे. बँकेकडून कर्ज मंजूर झाल्यानंतर संबंधित अर्जदार लाभासाठी पात्र राहील.
संबंधित लेख : तेल काढणी युनिट व गोदाम अनुदान योजना साठी ऑनलाइन अर्ज कसा करावा?
संबंधित लेख : तेल काढणी युनिट व गोदाम अनुदान योजना कोणकोणत्या जिल्ह्यात सुरु आहे?
संबंधित लेख : तेल काढणी युनिट व गोदाम अनुदान योजनाची संपूर्ण माहिती PDF मध्ये उपलब्द आहे.
तसेच गोदामासाठी महाराष्ट्र राज्य वखार महामंडळाच्या प्राधिकृत अधिकाऱ्यांकडून अथवा सार्वजनिक बांधकाम विभागाकडून मान्यताप्राप्त डिझाईन, स्पेसिफिकेशन व खर्चाचे अंदाजपत्रक सादर करणे आवश्यक आहे. शेतकरी उत्पादक कंपन्यांनी सभासद यादी, मागील तीन वर्षांचे ऑडिट रिपोर्ट, ७/१२, ८-अ उतारा अथवा भाडेतत्वावरील जमीन असल्यास दुय्यम निबंधक कार्यालयाकडील २९ वर्षांचा भाडेपट्टा, तसेच कंपनीचे टॅन व पॅन सादर करणे आवश्यक आहे.
संबंधित लेख : तेल काढणी युनिट व गोदाम अनुदान योजना साठी Mahadbt वर ऑनलाइन अर्ज करा.
लक्षांकाच्या तुलनेत अधिक अर्ज प्राप्त झाल्यास सोडत पद्धतीने लाभार्थी निवड करण्यात येईल. त्यामुळे इच्छुक व पात्र संस्था, कंपन्या व लाभार्थ्यांनी विहित मुदतीत संबंधित तालुका कृषी अधिकारी कार्यालयाकडे परिपूर्ण प्रस्ताव सादर करावेत. विहीत कालावधीनंतर प्राप्त होणारे अर्ज विचारात घेतले जाणार नाहीत, असेही आवाहन जिल्हा अधीक्षक कृषी अधिकारी श्री. माने यांनी केले आहे.
तेल काढणी युनिट व गोदाम अनुदान योजनेचा मुख्य उद्देश
या योजनेचा मुख्य उद्देश राज्यातील शेतकऱ्यांना आणि कृषी आधारित उद्योगांना काढणीपश्चात पायाभूत सुविधा उपलब्ध करून देणे हा आहे.
- नुकसान कमी करणे: पिकांची काढणी झाल्यानंतर योग्य साठवणूक आणि प्रक्रियेअभावी होणारे नुकसान टाळणे.
- योग्य बाजारभाव मिळवणे: गोदाम सुविधेमुळे शेतकऱ्यांना माल साठवून ठेवता येतो आणि बाजारात योग्य भाव आल्यावर विक्री करता येते.
- स्थानिक पातळीवर प्रक्रिया: तेल काढणी युनिटमुळे तेलबिया पिकांवर (उदा. सोयाबीन, भुईमूग, सूर्यफूल) स्थानिक पातळीवरच प्रक्रिया करणे शक्य होते, ज्यामुळे मूल्यवर्धन (Value Addition) होऊन अधिक नफा मिळतो.
तेल काढणी युनिट व गोदाम अनुदान योजनेसाठी पात्रता
या योजनेचा लाभ घेण्यासाठी खालील घटक पात्र ठरतील:
- वैयक्तिक शेतकरी आणि कृषी उद्योजक.
- नोंदणीकृत शेतकरी उत्पादक कंपनी (FPO / FPC).
- प्राथमिक कृषी पत पतसंस्था (PACS) आणि सहकारी संस्था.
- स्वयं सहाय्यता बचत गट आणि कृषी प्रक्रिया केंद्र चालवणारे घटक.
योजनेसाठी आवश्यक कागदपत्रे
ऑनलाईन आणि ऑफलाईन अर्ज सादर करताना खालील कागदपत्रे जोडणे अनिवार्य आहे:
- ओळख पुरावा: अर्जदाराचे आधार कार्ड आणि पॅन कार्ड.
- जमिनीचा पुरावा: अद्ययावत ७/१२ उतारा आणि ८-अ चा दाखला (किंवा भाडेपट्टा करारपत्र).
- बँक तपशील: बँक पासबुकची झेरॉक्स प्रत किंवा रद्द केलेला चेक (Cancelled Cheque).
- प्रकल्प अहवाल: तेल काढणी युनिट किंवा गोदामाचा सविस्तर प्रकल्प अहवाल (Detailed Project Report – DPR).
- इतर पुरावे: मान्यताप्राप्त आर्किटेक्टकडून मंजूर केलेले डिझाइन, इस्टिमेट, जीएसटी नोंदणी प्रमाणपत्र आणि अधिकृत पुरवठादाराचे कोटेशन.
तेल काढणी युनिट व गोदाम अनुदान योजना ऑनलाईन अर्ज प्रक्रिया
- पोर्टलला भेट द्या: सर्वप्रथम शासनाच्या अधिकृत महाडीबीटी (MahaDBT) पोर्टलवर जा.
- लॉगिन करा: तुमचा युझर आयडी आणि पासवर्ड वापरून लॉगिन करा.
- योजना निवडा: ‘कृषी योजना’ किंवा ‘कृषी यांत्रिकीकरण/प्रक्रिया’ या पर्यायावर क्लिक करून तेल काढणी युनिट व गोदाम अनुदान योजना निवडा.
- माहिती भरा: अर्जात विचारलेली सर्व वैयक्तिक, जमिनीची आणि प्रकल्पाची माहिती अचूक भरा.
- कागदपत्रे अपलोड करा: आवश्यक सर्व कागदपत्रे स्पष्ट स्वरूपात अपलोड करा आणि फॉर्म सबमिट करा.
- अर्जाची प्रत जमा करा: अर्जाची प्रिंट काढून आवश्यक कागदपत्रांसह तालुका कृषी अधिकारी कार्यालयात मुदतीपूर्वी सादर करा.
